( كان مشرف منتدى ) مرتبط بموعد مع العروس وأهلها ليتقدم إليها ولكنه لم
يشأ إغلاق
المنتدى لمدة ساعة هى مدة اللقاء مع الأهل فأخذ اللابتوب معه وشحنه على
آخره وتابع الردود على الأعضاء فى صفحة الشكاوى وهو فى
طريقة للمنزل راكبا التاكسى
بمجرد وصوله إلى العروس سأل عن أقرب فيشة كهرباء لأن الشحن شارف على الإنتهاء
والد العروس:
أهلين يابنى ..كيفك !!
المشرف(وهو مشغول بلوحة مفاتيح اللابتوب):
أهلا فيك يا عمى ...أنا بيشرفنى إنى أطلب إيد بنتك مها ..موافق ولا لأ؟!!!!
تبادل كلا من والد العروس ووالدتها وأخيها نظرات الدهشة
والد العروس(مستغربا):
حضرتك عم تحكي معي ولا عم تحكي مع حدا على الإنترنت ؟؟؟
المشرف(مازال منشغلا بلوحة المفاتيح):
لا يا عمى أنا عم احكي معك.... يعني معقولة احكي مع حد غيرك وأنا قدام حضرتك!!!
والدة العروس:
طيب ياابنى طالما عم تحكي معنا طلع فينا طيب
المشرف(لم يرفع عينه ويديه من على جهازه):
ليش يا حجة أنا رح احكي بعيني ولا بتمي ؟!!!!
إقترب الولد الصغير(8 سنوات) من العريس مبهورا بالابتوب(الجهاز المحمول)
وهو يقول
الصبى:
عمو .. هلأ هاد الجهاز فيه ألعاب كتير متل الأتارى الى عندى؟!!
العريس(مازال منشغلا بجهازه):
اي يا حبيبى وأحلى من الى عندك كمان
الصبى: طيب ممكن ألعب شوي... كرمالي عمو الله يوفقك
هنا فقط رفع العريس عينه من على جهازه لأول مرة وتوقف عن الكتابة وهو يوشوش فى أذن الصبى
العريس:
أذا بتخلي ابوك يوافق علي رح خليك تلعب وكتير كمان
طار الصبى فرحا وهو يقول
بابا بابا أنا موافق إن عمو يتجوز أختى الكبيرة مها!!!!!!
ثم إلتفت إلى العريس وهو يقول
ألف مبروك يا عمو!
الوالد(صارخا):
امشي يا ولد فوت على درسك ... ما ضل إلا انت يا أبو ريالة الى بتوافق او ما بتوافق
مشى الولد باكيا ولم يهتم به العريس وقد عاد إلى جهازه منشغلا
الوالد:
إنت يا حبيبى كمان ....إنت شو قصتك ؟
العريس
:
قصة شو يا عمى ؟؟ .. أنا معندي قصص إنت عندك؟!!!
الوالد(بضجر):
إنت جاى تمزح هون ؟؟؟
لم يعره العريس أى إهتمام وقد ظهر مشغولا بموضوع ما على جهازه فإقتربت الأم من الوالد وتكلمت هامستا
الأم:هلأ قلي يا حجي ...شو عم يعمل هالشب على هالشغلة اللي معو ..وكيف عم يحكي معنا وهوي عم يحرك ايديه الاتنين على كل هالزرار ؟؟؟؟
الوالد:
والله ما بعرفش يا بديعة.. الظاهر والله أعلم إنه بيكتب الحكي اللي بيقولو النا فبيطلع من تمه !!!!!!!
الأم:
يا شحاري !!!... معقولة هيك يا حج ؟!!
الأب:
طبعا يا بديعة معقولة ما نحنا بعصر التكنولوبيا!!! إنتى ماشفتيه اول ما وصل كيف كان ملهوف على أى فيشة كهربا لأن الشحن تبع كلامو كان رح يخلص
الأم
يا زلمة اللي بعيش يا ما بيشوف !!!!!!!!!!!!!!!! على هالحالة يا حج ان انقطعت الكهربا رح يصير اخرس!!!!!!!
الأب
الله يستر و تجي على قد الحكي ... بس!!!!!!!!!!
الأم
طيب لازم ان وافقت على هالجوازة تشتري مولدة كهربا لللبنت مشان تكون عاملة حسابها باي وقت
الاب (صارخا )
وأنا معقولة وافق على هالألة ......من قلة الرجال يعني ؟؟؟؟؟؟
الاب
لا حبيبي انا عم احكي مع بديعة
العريس :
مين بديعة ؟؟
دخلت العروسة فى هذه اللحظة خجلانة وهى تنظر إلى الأرض وبيدها أكواب
العصير ولكنها لم تلاحظ فيشة الكهرباء فإنقلبت على وجهها أرضا
وإنفصلت الفيشة
العريس ( صارخا)
ولككككككككككك ينعنننننن شو هاللي عملتيه .... انت كيف بتفصلي الجهاز ؟؟؟؟
الأم (بصوت خافت )
يا سلام ...... ليكو بيحكي من دون كهربا ..طلع يا حج
الاب ( بصوت خافت )
ما هوي كان شحن عالأخر يا بديعة .... افهميها بقى
ثم إلتفت إلى العريس قائلا
الوالد:
شو هالقلة الذوق يا ابني إنت بتصرخ على عروستك وإنت جاي تطلبها !! هي
بدل ما تساعدها إنها تقوم و تطيب خاطرها بكلمتين بعد ما فيشتك الزفت هي
اللى وقعتها
العريس:
يعنى بساعدها لتقوم ولا لحق أشغل الجهاز مشان المنتدى ما يتعطل ؟!!
الأب:
شو هالجيل يااااا ....منين الله بعتلنا هالمصيبة!
العروسة:
من النت يا بابا ..من النت
الأم:
الله يقطع النت واللى بيشتغلو فى النت ! ..يا رب تيجى عاصفة تسومانى على النت والى فيه!!!!
الأب:
ممكن بقى يااابنى تسكر هالمضروب وتحكي معنا شوي
العريس:
تكرم يا عمى متل ما بدك .. هي المساعد تبعي اجى بدالي
إلتفت الجميع حولهم يبحثون عن ذلك المساعد فضحك المشرف
العريس (ضاحكا)
لأ يا جماعة أنا بقصد إن المساعد تبعي أخذ مكانى فى الشغل هلأ ...يعنى أنا
هلأ جاهز لأى إستفسار لمدة ربع ساعة
الأب:
لا حول ولا قوة إلا بالله ...طيب ياابنى طالما مانك فاضى ليش حددت هالموعد .
. كنت حدد موعد تكون فاضى فيه
العريس: يا عمى خير البر عاجله
الأب:
طيب... نحنا لسة متعرفنا على اسمك ولا شغلتك ولا سنك ولا شهادتك ولا أي شي !
العريس:
أنا اسمى موديراتور ...هاد الإسم المستعار!
قامت الأم تحوم حول العريس وتنظر إلى يديه تبحث عن شىء ما ثم مسكت يده
فجأة وهى تقول
الأم :
ممكن تشمر إيدك يا عريس الهنا
العريس(وهو يشمر):
ليش ياحجة بدك تطعمينى؟؟!!!
أنا إطعمت قبل ما آجى لعندكن
الأب :
ليش ...قالولك إنو عنا كوليرا !!!
العريس:
لأ يا عمى بس أنا قاعد ليل نهار فى غرفتى المكيفة الصحية فلما بروح لأي مصيبة تانية لازم أطعم
الأب(بصوت منخفض): مصيبة اللي تاخدك يا شيخ!!!
صرخت الأم( وهى تمسك بيده اليمين وترفعها عاليا):
يعنى مافي صليب...إكلن شو هاد ال موديراتور ؟ إنت يهودى؟!!!!
ضحكت العروسة وهى تقول:
لا يا ماما دة اللينك نيم تبعو
الأم:
ال شوو يا عين أمك ؟!
العريس:
خلص يا جماعة ...أنا إسمى محمد وعمري 25 سنة يعنى مؤبد !!!
معي شهادات كتيرة ان بدي عدن كلن بدي يومين لخلص لهيك بلاهم أحسن
وشغلتى مشرف عام على منتدى الفقر حشمة
نظر الأب إلى المشرف وملابسه البسيطة غير المتناسقة وهو يقول : سيماهم على وجوههم !!!
العروسة(مبتسمة):
بجد إنت المشرف تبع الفقر حشمة ... أنا مشتركة فيه من 5 شهور
العريس:
ما شاء الله ...بس إنتى مانك ملتزمة بقوانين المنتدى ولابسة منيح وعايشة عيشة آخر أبهة
العروسة:
أنا عملت هيك لاني بعرف انو في عريس جاي يخطبني
الأب:
ليش انت يا ابني شو بدك ياها تلبس .. تياب مقطعة
العريس:
لا يا عمى خلص مو مهم بكرة لما بتجوزها أنا بخزقلها تيابا
الأب:
ومين قالك إنى وافقت عليك أصلا
العروسة:
وليش حتى ما توافق عليه يا بابا ... هاد الموديراتور أكيد رح يخلينى مميزة فى المنتدى ...مو هيك يا موديراتور
العريس:
طبعا و رح عينك معنا نحنا المشرفين ورح سلمك قسم لوحدك
العروسة(بسعادة):
عن جد... رح تعيني مشرفة على قسم لوحدى
العريس:اي رح عينك على الشكاوى!!!
العروس (صارخة ) : لا أرجوك ...كله إلا الشكاوى
هز العريس كتفيه وهو يقول
خلاص نفتح قسم للوفيات وأعينك مشرفة عليه
الأب:يا ترى خلصتوا ولا لسة
نظر العريس فى ساعته وهو يقول:
أنا فعلا وقتي قرب ينتهى لأن المساعد تبعي عنده موعد مهم ولازم أدخل مكانه
الأب:
أنا ماني موافق على هالجوازة
العروسة:
ليه يا بابا أنا...
قاطعها الأب صارخا : اخرسي يا بنت وروحى درسي أخوكى
خرجت العروسة باكية غاضبة بينما إلتفت الأب إلى العريس قائلاد
ليك يا ابنى ..لما بتصير فاضي للجواز وقتا تعال إتجوز بنتى ....لكن طول ما إنت فى الفقر حشمة هاد ما الك عروس عندي
عم تفهمني ؟؟؟
العريس: خلص يا عمى براحتك ...بس إذا كان منتدى الفقر حشمة هو الى مزعلك أنا ممكن أتركو
الأب(فرحا):
عن جد ياابنى ...طيب تركو هو عن جد اللي مزعلنى .. ان تركتو أنا رح اتركك تتزوج بنتي وبدون شروط كمان
شكره العريس ثم جاء إليه فى اليوم التالى ومعه نفس اللابتوب وهو يقول
عمي أنا تركت الفقر حشمة من إمبارح وإشتركت فى منتدى تانى اسمه
اللاجئين
سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد
:d :d :d :d :d :d :d
منقووول ويستاهل
الرئيسية 
اليومية
